الشلة العراقية
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
[b]ادارة المنتدي
الشلة العراقية

الشلة العراقية
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 حشاش رايح يخطب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
↓ ιи fαмσυѕε ↓
The Emperor 
avatar

عدد المساهمات : 346
نقاط : 11748
السٌّمعَة : 63
تاريخ التسجيل : 10/06/2010
العمر : 107
الموقع : اطلع كبل طب بالفرع مو الاول الثاني تلكة باب اني واكف هناك

مُساهمةموضوع: حشاش رايح يخطب   الثلاثاء يونيو 29, 2010 2:53 pm

حظي وكع
بالبير كللولي جيّت ,,, جيتت بس شيفيد طلعته ميت ,, متسلحا بهذه الكلمات
اللي ترفع معنويات اي واحد (و وحدة طبعا ) قررت اروح لاهل البنية اللي
صاحبي خبل المجرة ( ملموم ) يحبها اكثر من اي شي بالمجموعة الشمسية مالتنا
درب الدفانة.. حتى نخطبها

المهم
ملموم طك الجواريب الصفرة والحذاء البوتين



الجلد
؟؟؟ ولبس البنطرون البرمودة ابو الياخة وسترة وردي مزروفة من النص سالته
عال زرف كلي هذا مال تعليك حتى لاتتعقج ,,, وجنت شايف بالافلام من واحد
يريد يروح على اهل بنية اول مرة يجيب ويا شي موكلش غالي فأستقر الامر على
ركية وسط ,,,, كلت خلي اوديها لبيت الخبلة اللي راح اتصير
Mrs. Mlmoom بلكت ينطوني بتهم لهذا
مكفخة الرياح ملموم ...


فتت
للصيدلية كلت اجيب ركية ,, على حظي الفكر ولا صيدلية عدها ركي ,, شسوي ؟
رحت للمستشفى هم ماكو وكللولي اكو طفل حديث الولادة ما ماشي بس 2000م ,
يفيدك ؟؟ ( هاي شلون شغلة ) طبكت بصف ابو مخضر اسأله وين الكة ركي بهال زلك
,, وشلون صدفة لكيت ابوالمخضر يبيع ركي ( سبحان الله ) ؟...
اني عبالي مالته الرجال ,,


طلع لا
والله هو يجيب كميات
جبيرة و يبيعها !

علما
انه بالطريق ملموم راد يراوس الركية ب 3 كيلوات بتيتة وكال ارواسها و ارجع
لامي ببتيتة احسن بس تالي كتله اكو مثل هندي يكول .... ( الزواج اهم من
البتيتة )

رجعت
للكراج اشوف سيارتي هستوه طلعت من الكراج شنوه السالفة ؟؟؟ زين اذا اللي
بالسيارة اني لعد اني

منو ؟
زين اذا اني مو بالسيارة لعد اللي بالسيارة منو ؟ اني اللاخ ؟ هم ما ترهم
,, اصيح واعيط و اكول اللي بيها مو اني واذا اني اللي بيها لعد منو اني ,,,
خاف اطلع صاحبي و ماادري !

والمشكلة
ما اندل بيت صاحبي اللي هو اني ,,, وين اولي ابات بالطرقات ,, احتاجيت 44
دقيقة حتى استنتج بصورة موثقة انة اني سيارتي انخمطت ,, لو جنت حضرتك او
حضرتج مارين بهذاك المكان بذيج اللحظة جان شفتو لمة عبيطة , ناس هواية
متجمعين و واحد كصير يكمز يريد يشوف شنو هال لمة عبالة ديوزعون هيفاءات
وهبي ببلاش ,,, بعدين هدئت لان اتذكرت سيارتي عطلانة يم البنجرجي وهاي
سيارة تشبه سيارتي .. تالي اجرنة

تكسي و
وصلنة لبيت العزيزة

- عمي
اني يشفطني و يتعسني انه اطلب ايد ربة الصون والجفاف حنين لصاحبي و صديقي
سليل الامجاد و نجم المجرة ملموم ,,, و الله يستر بس شنسوي فهاهية

وابوهه
بدة الحديث من حلكه ( اي لعد الناس منين تحجي من البنكرياس ) ,,, ابني انت
شمكمل









- اني
طالب...( مال ثلج ) وبعدني مرحلة ثانية يعني بعد بس سنتين واتخرج و77 سنة
واتعين,,, وانت شسوي بيك اقصد صاحبك الديخطب سيد ملموم
.... والله هو ما يشتغل لان جده
سلطان باشا شمدريني ,,,, منو ؟؟

- سلطان
باشا شمدريني هذا جان اللوكي مال الوالي قره قوز الأول ,, و جان كلش زنكين
و صاحبه يحوله دولارات ببلاش و مثلا من حاسبته تعطل اينصبله ( ريم بلاير
هاي قبل جان هيج اسمه) و ملموم ديصرف من فلوسه لي

هسة,,,تخيل
البارحة اشتره قلم جاف ,, و انته عندك الحساب ,,, زين ابو ملموم شيشتغل

- والله
عمو هو ابو خوش رجال و هو اكبر من ملموم (اي اكو اب اصغر من ابنه ؟ حتى
بالاتاري ماكو هيجي شي) وحاليا عاطل و وجه صاير مكعب من الاكل جنة تانكي
صغير بسطح بيت فارغ اهلة مسافرين لسوريا (و هسة معروض للايجار) . . . زين
والوالدة شنو شغلهة

- والله
هية تشتغل مشلولة ..... شلون ؟؟






يعني
انشلت المرة وجبت طبيب الها كلي كارت الصوت انضرب عدها و هاي مواليد 1949
يعني تعريف مالتها من زمان انقرض من السوك ,, شدلها كارت صوت مال كيكابايت
بس ما فا
د

ابني
هاهية اني موافق و بدون شروط

- بس
عمي اهم شي البنية تعرف تطبخ ترة اذا ما تعرف تطبخ ثاني يوم أجي أرجعها
اكلكم بدلولياها

- ابني
انتة شنو ماخذ قنينة مال غاز ؟ المباع لا يستبدل





اني
بصراحة الفار لعب بعلباتي ,, مدري جريذي هو لعب بس شنو ماادري بالضبط ,,
المهم ,, ليش عود موافق راسا ؟؟؟ خاف البنية اكسباير مضروبة بجهرتها فايروس
او تعرج او يجوز شمطاء الجهرة فكلت لابوها عمو بيها مجال انعاينها
………. شنو ؟؟

- قصدي
نتفرج عليها ! شنو ابني جاي تخطب سيارة انتة

شنو
تتفرج شنو اعاينها ليش ما تطلع بيها تراي مو احسن ؟ . . . . لاعمي بس
نشوفها يعني

ماشي
ماشي ,, ( اندار الأب و كال بصوت عالي 5 مترات حنين بنتي تعالي قدمي
العصير )

دائما
الانسان يتوقع او يحاول يتصور شي قبل ما ايشوفه جنت اتوقع حنين جكمة ,, لكن
انه اتكون هيجي ,, فهذا الشي اللي مجان على بالي ,,






فات
فجأة على حين جفتة ,, كائن حي ,, اني اول شي عبالي جيس زبل احد ديوجهة
بالريموت من جوة ,, فضيحة الملامح ,, خرب
بحظ الجهرة .

رجليها
عوجة مما يدل على عوق من الشركة ,, كالت مرحبا و يا ريت ما حجت لان صوت
ابوها طلع فيروز بالنسبة لصوتها ,, و المصيبة اندار على ملموم الكاه
ديباوعلها بصورة عاشقة ,, اي طبعا هو لاكي كيلو طماطة يرضة بيه ,لا لا
مستحيل اذا ملموم على عوقه انوب ازوجه هاي شيخلفون ؟

لالا ما
ترهم, اجيالهم راح تساهم في علس المستقبل البشري ,, هم انداريت على ابو
حنين و كتله ,,

- عمو
,, انتة اتحب كوكب الارض مو ؟ ........ شنو؟

- لا
هيجي بس لانه اني حريص على مستقبل الكوكب فما اريد ازوج غبي لجكمة الجيل
...... شيطلع ؟

ومو مال
انعيد زمن الانسان الصمون الحجري القديم فلهذا السبب الى اللقاء

- ابني
تعال يا لقاء يا حجري يا كهربائي اني هم كمت عال سريع بس ملموم شنو اكله
حتى اخليه يكوم ؟

- ملموم
الحك اكو عبوة جوة الكرسي مالتك افلت !!!

- همزين
ملموم خلصنا من هال عائلة الجايفة و خاصة ابوها جنة خبل متقاعد

- لا
تحجي على ابوها ,,, ليش لازم معجب بي حضرتك ؟

- لا بس
ديركض بصفنا !!!
الرجوع الى أعلى الصفحة اذهب الى الأسفل
http://alshila.yoo7.com/
 
حشاش رايح يخطب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشلة العراقية :: :: أُخرى :: :: منتدى التـحشـيـش-
انتقل الى: